Komisioni Qendror i Zgjedhjeve ka hedhur sot shortin për të përcaktuar renditjen e subjekteve zgjedhore në fletën e votimit, në zgjedhjet e 25 prillit.
Mësohet se e para në fletën e votimit do të jetë Partia Social Demokrate e Tom Doshit.
Ndërkohë, tre partitë kryesore në vend do të renditen: PS në vendin e 12, LSI do të jetë në vendin e gjashtë dhe Koalicioni PD- Aleanca për Ndryshim në vendin e nëntë.
Në zgjedhjet e 25 prillit do të marrin pjesë edhe 5 kandidatë të pavarur, të cilët do të renditen pas subjekteve politike.
Renditja:
1. Partia Social Demokrate
2. Balli Kombëtar
3. Partia Lëvizja Demokratike Shqiptare
4.Partia Bindja Demokratike
5. Koalicioni Aleanca Bashkimi Popullor Emigracioni Ura e Shpresës dhe Konservatorët
6.Partia Lëvizja Socialiste për Integrim
7.Partia Nisma Thurje
8.Partia Lëvizja e Re
9.Koalicioni Partia Demokatike Aleanca për Ndryshim
10. Partia Aleanca Demokracia e Re
11.Partia Lëvizja për Ndryshim
12. Partia Socialiste
