Anglia ka zbarkuar pak përpara mesnatës së sotme në Aeroportin “Nënë Tereza”, ku kanë preferuar të shkojnë menjëherë në hotel dhe jo të bëjnë ritualin e zakonshëm që bën çdo klub, ku shkon drejt e në stadiumin e ndeshjes për të përgatitur stërvitjen e fundit në vigjilje të ndeshjes.
“Tre Luanët” me anë të një postimi në profilin e tyre zyrtar në rrjetin social “Twitter” kanë ndarë me ndjekësit e tyre disa çaste nga mbërritja në aeroportin e Rinasit, ku shihen lojtarët që sapo kishin zbritur nga avioni.
Ndeshja Shqipëri-Angli do të luhet sot me fillim nga ora 18:00 në stadiumin “AIR Albania”, e vlefshme për fushatën Kualifikuese të Botërorit “Katar 2022”.
