Nga Luçiano Boçi
Të mbrosh fitoren është më e vështirë sesa të fitosh! Partia Demokratike është në prag të një fitoreje historike. Kontribut në këtë fitore ka qeveria dhe vecmas filozofia politike e kryeministrit. Rrallë dikush ja ka dalë si Rama të kthejë kaq shumë njerëz kundër vetes. Faktori kryesor mbetet programi i Partisë Demokratike – një përgjigje e denjë, e thjeshtë dhe e kuptueshme e vizionit publik për progress dhe integrim european të vendit.
Në këtë mes fushate, Partia Demokratike ka shanse të lexueshme që të shënojë një prej sukseseve politike më të mëdha në jetën e saj 30 vjecare. Padyshim, ajo është e përgatitur të ballafaqohet me fitoren e thellë, por partia demokratike duhet të përgatitet ta mbrojë këtë fitore!
Ka një rrugë të parë me të cilën një strukturë përfaqësuese politike mbron fitoren e saj: ky është bashkëpunimi I ngushtë dhe shkrirja thuajse e plotë me publikun që voton! Ne si kandidatë po jetojmë më shumë në shtëpitë e votuesve tanë, sesa në shtëpitë tona. Ne harxhojmë shumicën absolute të kohës përkrah dhe bashkë me përkrahësit tanë – votues. Çdo gjë që themi – është në thelb fjala e tyre. Çdo logjikë qeverisëse filtrohet edhe njëherë në përputhje me nevojat e tyre dhe me vizionin e tyre për një rrugë sa më të shpejtë të rimëkëmbjes kombëtare.
Përmes këtij procesi – fitorja jonë në zgjedhje është së pari fitorja e votuesve tanë. Rrotacioni nuk është qëllim në vetvete. Eshtë prioriteti absolut i publikut që na voton! Ne sjellim Ndryshimin sepse ndryshimi është fjalë e parë dhe e fundit e zgjedhësve tanë.
Ky process i përfshirjes së publikut, i angazhimit të tij direkt, i transferimit të pronësisë mbi fitoren dhe mbi të ardhmen e vendit e legjitimon rezultatin zgjedhor dhe garanton integritetin e tij.
Eshtë publiku që na tregon për kandidatët që po blejnë vota. Eshtë publiku që rrëfen për presionet e mazhorancës për ta deformuar vullnetin politik të zgjedhësve. Eshtë publiku që na forcon me bindjen se asnjë fitore nuk mund të ndalet, kur ajo gëzon zemrën e njerëzve.
Ky process njëherësh është themeli i kujtesës sonë si përfaqësues të popullit: ne nuk mund të harrojmë arsyet që na motivuan në këtë process ndryshimi. Qytetarët janë burimi i legjitimitetit të cdo pushteti.
Edi Rama sot ka rënë sepse qytetarët e kanë deligjitimuar pozitën e tij dhe cdo pretendim të së majtës për progress.
Dhe ndërsa Partia Demokratike po i afrohet pushtetit me një fuqi të pandalshme falë publikut shqiptar, ajo duhet të bëhet gati që të administrojë fitoren me vetëdijen se po vjen në pushtet në emër dhe si mishërim i vullnetit të sovranit.
Fitorja më e mirë është ajo që mbrohet! Legjitimiteti është metri i cilësisë së saj!
