Vaksina anti-Covid “Sinovac” e prodhuar nga kompania kineze “Sinovac Biotech” funksionon mirë kundër simptomave klinike të virusit, veçanërisht në raste të moderuara deri në ato të rënda, bëhet e ditur në një artikull të publikuar nga “Bloomberg”, citon “Xinhua”.
Fiona Russell, specialiste në Institutin Kërkimor për Fëmijët “Murdoch”, në Melburn, deklaroi se të dhënat e efikasitetit të rreth 50% të vaksinës i referohen rasteve shumë të lehta, të cilat nuk kërkojnë ndonjë terapi. Sipas saj, për infeksionet që kërkojnë ndërhyrje mjekësore, efektiviteti është afërsisht 84% ndërsa për rastet e moderuara të rënda është 100%.
Paul Griffin, profesor në Universitetin e Queensland në Brisbane, deklaroi se nëse vaksina është aprovuar nga autoritetet përkatëse, atëherë duhet pasur besim në sigurinë dhe efektivitetin e saj për popullatën. (Irma)
