Drejtuesi i mjetit që në mes të ditës theu barrierat e vendosura rreth e rrotull dhe rrezikoi qytetarët dyshohet se ishte i droguar. Ai është identifikuar si Nertil Qazimi, 35 vjeç, banues në Paskuqan.
Gazetarja Dorjana Bezat raportoi për “BalkanWeb” se me vete i janë gjetur disa doza kanabisi. Po kështu mësohet se para se të hynte në sheshin “Skënderbej”, ai ka përplasur disa makina rrugës.
Ndërkohë që u arrestua nga policia, i riu ka deklaruar: “Nuk e mora vesh fare. I futa një cigare”.
Mësohet gjithashtu se në makinë personit iu gjeten edhe disa doza droge.
Ka qenë një qytetar, i cili ka ndërhyrë duke neutralizuar autorin. Në një komunikim për gazetarët “heroi” që bëri të mundur të ndalonte një rrezik të mëtejshëm tha se ngjarja ishte e ngjashme me një akt terrorist.
