Drejtori i fushatës së Partisë Demokratike Alfred Rushaj, në një dalje për mediat është shprehur se sot shqiptarët vendosën t’i thonin stop Edi Ramës, duke i dhënë fund regjimit të tij.
Nga selia blu, Rushaj shprehu falenderimet për ata që i besuan PD-së për të ardhmen e tyre.
“Sot është një ditë e madhe, e jashtëzakonshme e një fitoreje të madhe. Sot qytetarët e Tiranës dhe Shqipërisë vendosën ta çojnë Edi Ramën në shtëpi, i thanë stop dhe mposhtën një regjim. I thanë një njeriu që vodhi votat, të dhënat e tyre personale, i thanë boll.
Sot qytetarët Shqipërisë votuan për të ardhmen e tyre, e fëmijëve të tyre prandaj dua t’i falenderoj me gjithë zemër që mundësuan ndryshimi. Vendosën t’i japin fund dhe mposhtën një regjim”, tha Rushaj.
