Boiken Abazi, kandidati i pavarur në Tiranë, denoncon se nuk po i lejojnë asnjë vëzhgues të certifikuar nga ai për numërimin e votave.
Abazi thotë se vëzhguesit e tij nuk lejohen tek KZAZ nr.34 e cila është tek shkolla ‘’Bajram Curri’’.
Ai i bën thirrje Policisë mos zbatojë urdhëra të jashtëligjshëm teksa parlajmëron se do të bëjë ankesë në KAS.
Postimi i plotë i Bojken Abazit:
Te Shkolla “Bajram Curri” KZAZ nr. 34 nuk po lejojnë të hyjë asnjë vëzhgues i certifikuar nga unë si kandidat i pavarur. Ndërkohë kanë lënë vëzhguesit e subjekteve të tjera. Ne po bëjmë ankesë në KAS. I bëjmë thirrje mediave të mbulojnë ngjarjen. I bëjmë thirrje policisë të mos zbatojë urdhëra të jashtëligjshëm.
