Kreu i Partisë Demokratike, Lulzim Basha ka akuzuar institucionet zgjedhor se janë kthyer në vegël të kryeministrit Edi Rama.
Nga Fieri, ku vijoi turin e takimeve me demokratët, numri një i selisë blu deklaroi se Komisioni i Ankimimeve dhe Sanksioneve ka zgjedhur që të jetë në krahun e qeverisë, duke rrëzuar kërkesat e Partisë Demokratike, të cilat faktojnë tjetërsimin e vullnetit të qytetarëve nga Partia Socialiste në 25 prill
Ndërkohë as për Qarkun e Beratit nuk pati një vendim mbi ankimet e bëra nga opozita. Pesë anëtarët e KAS kërkuan më shumë kohë për të parë provat e paraqitura nga palët ankimuese.
Përfaqësuesit e PD akuzuan anëtarin Ilir Rusmalit për mbështetje ndaj Edi Ramës.
Kurse mjeshtri Bujar Kapexhiu, në një punim për gazetën MAPO, ka thumbuar KAS për qëndrimet e tyre, duke i paraqitur si klounë.
