Miliona turq janë ‘gozhduar’ para ekranit, duke parë rrëfimet e bosit të mafies që tregon histori të padëgjuara rreth kontrabandës ndërkombëtare të drogës, vrasjese dhe lidhjeve të errëta midis politikanëve dhe mafies.
Ai ka hedhur videot në Youtube dhe pretendimet e tij kanë shkaktuar një cunami politik që ka tronditur qeverinë e Presidentit Rexhep Tajip Erdogan, duke sulmuar më së shumti ministrin e tij të brendshëm
Akuzat e hedhura nga Sedat Peker ndaj aleatëve të ngushtë të Erdogan, duke përfshirë një ish-kryeministër, zyrtarë të lartë e të afërm, për çështje që variojnë nga korrupsioni dhe trafiku i drogës, përdhunime e vrasje.
Mesazhi i Peker, gjithashtu i shoqëruar me postime të herëpashershme në Twitter, duket se ka mbërthyer turqit në ekrane për të mësuar më shumë rreth asaj që ndodh në “nëntokën” e Turqisë.
Duke folur me reputacionin e një njeriu që di gjithçka për të gjithë, Peker është një ultranacionalist i dënuar për krime të shumta, duke përfshirë mashtrime e drejtim organizatash kriminale.
Ai u arratis nga Turqia vitin e kaluar për të shmangur ndjekjen penale dhe tani pretendon se jeton në Emiratet e Bashkuara Arabe, ku ai flet nga një tryezë e rregulluar me kujdes dhe flet për skandale të shumta.
