Përballja mes Holandës dhe Ukrainës është sfida më spektakolare gjatë këtyre ditëve të para të Kampionatit Europian.
“Tulipanët” fituan me rezultatin 3-2 në një ndeshje me shumë emocione e vlefshme për Grupin C të “Euro 2020”. Pjesa e parë u dominua nga Holanda që kishin raste të shumta, mirëpo nuk u konkretizuan.
5 golat u realizuan pjesën e dytë. Ishte Georginio Ëijnaldum që zhbllokoi rezultatin duke shënuar pas një goli të kthyer (52′). Ëeghorst dyfishoi avantazhin pas shtatë minutave, pas një gabimi nga mbrojtësi (59′).
Ukraina nuk u dorëzua dhe ia doli ta barazoi rezultatin brenda 4 minutash. Fillimisht kapiteni Yarmolenko shënoi supergol nga distanca (75′). Pastaj, Yaremchuk barazoi shifrat, duke shënuar me kokë (76′).
Kur të gjithë po prisnin vërshëllimën e fundit të gjyqtarit në skenë doli Dumfries që përfitoi nga harkimi i Ake dhe i solli fitoren Holandës (85′).
Holanda pas kësaj fitore renditet në vendin e dytë në Grupin C me 3 pikë, po aq sa kryesuesit Austria që ka golavarazh më të mirë.
