Sonte në mbrëmje, futbolli do të vijojë të dhurojë spektakël edhe në orët e vona. Afro 48 orë më vonë se Kampionati Europian, në Brazil do të nisë një tjetër turne elitar, Copa America 2021.
Pas shumë problemeve nga pandemia ku fillimisht Kolumbia me Argjentinën ishin caktuar si vende organizatore u tërhoqën, CONMEBOL vendosi Brazilin për ta zhvilluar të gjithë eventin dhe në orën 23:00 do të nisë zyrtarisht spektakli
Do të ketë absolutisht spektakël pasi futbolli latin e ka në ADN diçka të tillë por janë edhe yje si Messi, Di Maria, Lautaro, Neymar, Luis Suarez e Cavani apo Vidal e Alexis Sanchez. Emra të rëndësishëm që do të jenë protagonistë për të fituar trofeun me të vlefshëm për Amerikën Latine.
10 ekipe të ndara në dy grupe ku 4 të parat kualifikohen në fazën tjetër teksa sfidën hapëse do ta ketë Brazili sonte në orën 23:00 ndaj Venezuelës në Grupin B.
Ndërkohë 4 orë më pas, do të jetë Kolumbia që do të përballet ndaj Ekuadorid, ndeshje e vlefshme po për Grupin B.
Argjentina do të debutojë të Hënën në orën 23:00 në një sfidë delikate ndaj Kilit teksa Paraguai do të luajë me Bolivinë.
