Një ngjarje e rëndë, protagonist të cilës u bë një shqiptar, ka tronditur Belgjikën ditën e sotme. Sipas asaj që raportojnë mediat vendase 52-vjeçari Ismet Osmanay u plagos me mjet prerës në Waterbaan, Deurne, pranë një shkolle dhe fatkeqësisht ai ndërroi jetë në vendngjarje pak më pas.
Autori i dyshuar i krimit të rëndë është Betim A. 48-vjeç, i cili u arrestua menjëherë nga policia. Ngjarja u përshkrua edhe nga disa prindër të cilët ishin dëshmitarë. “Dëgjuam shumë të bërtitura dhe pamë dikë që binte nga biçikleta e tij”- tha një dëshmitar.
“Çiklisti ishte shtrirë në tokë, ndërsa një burrë u përkul mbi të dhe e goditi disa herë në qafë”- shtoi një tjetër. Shkak për ngjarjen e rëndë dyshohet të jetë bërë xhelozia, pasi nisur nga ajo që raportojnë mediat vendase Ismet Osmanay ishte i dashuri i ish-gruas së Betim A.
