Gazetarja Alma Çupi ka zbuluar një eksperiencë të pazakontë që i ka ndodhur pas mesnate gjatë një vizite në llixhat e Bënjës, në Përmet.
E ftuar në emisionin “Opinion”, Çupi tregoi se i ka ndodhur një eksperiencë shumë interesante. Ajo tha se sa kishte shkuar pas orës 12 të natës për të vizituar llixhat, sheh një autobus dhe disa turistë që kishin hapur çadrat.
“Shkoj tek llixhat dhe shikoj 12 meshkuj lakuriq, ishte një fat shumë i madh (qesh) dhe unë ngela, ishim me shoqërinë tonë dhe në momentin që do futeshim, dalin të gjithë nga uji dhe ishin të gjithë lakuriq. Kishin vënë dhe qirinj rreth llixhës”, tha ajo.
Sipas saj, ajo ishte një eksperiencë që s’e priste, ndërsa zbuloi se ka shumë turistë të huaj që shkojnë lahen natën dhe bëjnë një lloj plazhi të tillë të lirë.
