Temperaturat e larta sollën një ngjarje tronditëse mëngjesin e sotëm në Palermo të Italisë. Një grua ra pre e dhunës seksuale nga fqinji i saj i cili kishte hyrë fshehurazi në shtëpinë e saj.
Sipas mediave italiane, mbrëmjen e djeshme, pasi ishte kthyer nga shtëpia, gruaja vendosi ta lërë derën e shtëpisë gjysmë dhe ballkonit gjysmë të hapur në mënyrë që të freskohej.
Kur u zgjua në mëngjes, 27-vjeçarja gjeti në shtratin e saj fqinjin e saj i cili po i prekte trupin.
E reja tentoi ta largonte me forcë, por komshiu nuk dorëzohej. Më pas ajo filloi të bërtiste, çka e detyroi fqinjin të largohej.
Pasi thërriti policinë, 27-vjeçarja rrëfeu ngjarjen ndaj uniformat blu bënë një kontroll në apartamentin e burrit.
36-vjeçari ishte ende i veshur me rrobat të cilat gruaja ia përshkroi efektivëve të policisë. Uniformat blu vunë në pranga agresorin ndërsa 27-vjeçarja u dërgua në spital për trajtim mjekësor.
