Ish-basketbollisti i Lokomotivës së Durrësit, Petraq Jorgoni është ndarë nga jeta në moshën 81-vjeçare.
Lajmi për ndarjen e tij nga jeta u dha nga Akademia Sportive, Goga Basket.
Në një njoftim për mediat, Akademia i shpreh ngushëllimet më të sinqerta familjes, duke theksuar ndër të tjera se Jorgoni ishte një nga sportdashësit më të dashur të kësaj akademie.
NJOFTIMI I GOGA BASKET
Me hidhërim mësuam se është ndarë nga jeta, në moshën 81 vjeçare, ish basketbollisti i Lokomotivës së Durrësit, Z. Petraq Jorgoni.
Taçi ka luajtur basketboll ne vitet 1958-1968 ku gjithashtu ka luajtur dhe me skuadrat e Dinamos dhe Studentit. Ai ishte një nga sportdashësit më të dashur të Akademisë. I shprehim ngushëllimet më të sinqerta familjes për humbjen e tij.
