Një krim i rëndë në familje ka ndodhur në Itali ditën e sotme ku 26-vjeçarja Vanessa Zappala është qëlluar për vdekje nga ish-partneri i saj.
Sipas mediave italiane e reja, u vra nga ish i fejuari i saj në fshatin Atsi Tretsa. Teksa ajo po ecte së bashku me shoqet dhe kushërirën e saj në rrugën e fshatit, u qëllua për vdekje nga 38-vjeçari.
Pas 16 orësh kërkime, policia mundi të gjejë autorin e vrasjes të vetëvarur në pronën e xhaxhait të tij.
Miqtë e Vanessës i thanë policisë se e reja kishte marrë kërcënime dhe ngacmime të vazhdueshme nga ish-partneri i saj i cili nuk kishte pranuar vendimin e saj për ndarje.
Ajo kishte denoncuar ish-partnerin në polici, por deri më tani nuk ishte marrë ende asnjë masë ndalimi ndaj tij.
