Partia Demokratike nesër pritet të zgjedhë përbërjen e re të partisë duke caktuar detyrat që do të marrë secili anëtarë. Panorama.al ka arritur të sigurojë emrat të cilët do janë propozuar për të marrë detyrat në parti, ku vihen re ndryshime të shumta në secilin prej sektorëve.
Për herë të parë, PD do të ketë dy nënkryetare gra, Jorida Tabakun dhe Grida Dumën. Më herët, nënkryetarë të partisë ishin Edi Paloka dhe Edmond Spaho. Ky i fundit ka dhënë dorëheqjen nga ky post ku ka pranuar të mbajë vetëm atë të deputetit në qarkun e Korçës. Ndërsa Edi Paloka do të propozohet për kryetar të Këshillit Kombëtar të PD-së, post të cilin e ka mbajtur Bujar Nishani.
Për kryetar të grupit Parlamentar, Partia Demokratike ka propozuar juristin Alfred Rushaj i cili do të jetë dhe nënkryetar partisë. Më herët pozicionin e kryetarit të grupit parlamentar e ka mbajtur Edmond Spaho.
Sekretar i Përgjithshëm i PD-së është rikonfirmuar në detyrë Gazment Bardhi i cili e mbajti këtë post edhe më parë. Sekretar organizativ i demokratëve është propozuar Ervin Minarolli ndërkohë që këtë post e ka mbajtur më parë Sahit Dollapi i cili u tërhoq nga detyra.
Ndërkohë Sekretar për Çështjet Ligjore dhe Zgjedhore, emri i propozuar është Ivi Kaso. Më herët në postin e Sekretarit për Çështjet Ligjore ka qenë Çlirim Gjata. Ndërkohë grupi parlamentar që do drejtojë Alfred Rushaj do të ketë dy nënkryetarë, Ervin Salianjin dhe Luçiano Boçin. Drejtuesi i qarkut të Fierit, Enkelejd Alibeaj do të jetë kandidat për nënkryetar të partisë.
Kryetari i Grupit Parlamentar
Ishte Edmond Spaho
Propozohet Alfred Rushaj
Nënkryetar i PD
Ishte Edmond Spaho dhe Edi Paloka
Propozohen Jorida Tabaku, Gruda Duma, Alfred Rushaj dhe Enkelejd Alibeaj
Kryetar i Këshillit Kombëtar
Ishte Bujar Nishani
Propozohet Edi Paloka
Sekretar i Përgjithshëm i PD-së
Rikonfirmohet Gazment Bardhi
Sekretar Organizativ
Ishte Sahit Dollapi
Propozohet Ervin Minarolli
Sekretar për Çështjet Ligjore
Ishte Çlirim Gjata
Propozohet Ivi Kaso
Sekretar për Çështjet Zgjedhore
Rikonfirmohet Ivi Kaso
