Teksa në studion e OPEN po flitej për vrasjen e 23 vjeçares Sabrina Bengaj, në telefonin e Anila Hoxhës mbërriti një mesazh tronditës, të cilin gazetarja e ndau me teleshikuesit.
Bëhej fjalë për një zonjë intelektuale në mes të Tiranës, e cila i ka shpëtuar tashmë dhunës, por jo problemeve me ish-bashkëshortin.
“Do ju tregoj rastin e një gruaje, është e zonja e vetes, një grua me një pagë të kënaqshme që ka thënë…unë ia dola shpëtova, unë jam intelektuale në mes të Tiranës, kam një profesion që më siguron një jetë të kënaqshme. Kur gruaja është e varfër ekonomikisht, nuk ia del të marrë asistencë sociale nga shteti për të rritur fëmijët. Jeton në mes të Tiranës ka rrogë të mirë, bën një nga profesionet e lira dhe ja, sërish pensioni i fëmijëve është një ferr, ndarja e pasurisë është gjithashtu një luftë. Burra që nuk japin pensionin ushqimor për fëmijët e tyre”, u shpreh gazetarja Hoxha.
