Një qytetar ka deklaruar nga Spitali Infektiv se vjehrri i tij ndodhet në intubim, ndonëse ka marrë dy dozat e vaksinës Pfizer një muaj më parë.
Në dëshminë për “News 24”, qytetari thotë se vjehrri i tij ndodhet prej tre ditësh në gjendje të rëndë te Infektivi.
DEKLARATA
Kë keni të shtruar?
Kam vjehrrin të shtruar. Vjehrra është më mirë. Të dy i kishin bërë vaksinat, Pfizer.
Sa kohë kishin që i kishin bërë të dyja dozat?
Ka mbi 1 muaj që i kishin bërë vaksinat.
Sa ditë ka vjehrri brenda?
Sot 3 ditë ka i shtruar. Është i intubuar. Është 70 vjeç. Ka punuar saldator, ka pasur probleme me mushkëritë. Nuk e kishte kaluar covid-in më herët. S’e dimë se çfarë po ndodh. Vjehrra ime është duke e kaluar në këmbë. Vjehrri u bë keq direkt, nuk lëvizte fare. Kemi marrë informacione, kam folur me mjekë dhe më thonë; keq është.
