Pak ditë pasi Shkodra ishte epiqendër e lëkundjeve sizmike, ekspertet shprehen se qyteti verior mbetet e rrezikuar nga tërmetet
Pedagogu i gjeografisë, Ervis Krymi, thotë se shqetësues është fakti se në 30 vitet e fundit janë bërë ndërtime të shumta edhe në ato zona të qytet që janë të papërshtatshme për shkak të rrezikut nga tërmetet.
Teksa flet për zonat më të rrezikuara nga lëkundjet sizmike në këtë qytet, pedagogu Krymi thekson se “Mungesa e përfshirjes të studimeve sizmiologjike dhe hidrogjeologjike në planifikimin e territorit në Shkodër në rast të tërmeteve mund të sjellë pasoja fatale”.
