Dyshimet se ndaj reperit grek mund të jetë bërë diçka me dashje po fillojnë të qarkullojnë në mendjet e familjarëve
Brenda makinës së reperit Mad Clip, i cili humbi jetën si pasojë e shpejtësisë së madhe me të cilën udhëtonte, është gjetur varësja e tij me kryq dhe telefoni i tij celular. Eksperti i caktuar nga familja do të vazhdojë kontrollin e plotë të makinës në përpjekje për të zbuluar se çfarë ndodhi natën fatale. Hetimet deri më tani nuk kanë treguar për përplasje me një automjet tjetër, ndërsa është vërtetuar se Mad Clip udhëtonte disa kilometra më shumë se kufiri i përcaktuar në atë rrugë. Megjthatë eksperti nuk e ka përfunduar ende hetimin e tij për atë që ndodhi saktësisht atë natën.
“Unë nuk e di se si e humbi kontrollin makina e tij. Ne nuk e dimë se si ndodhi. Nipi im ishte një shofer i jashtëzakonshëm. Shofer i rrallë. Ai mori pjesë në garat në Qipro. Makina e tij nuk mund të aksidentohej Nuk kishte ujë në rrugë. Këto janë përralla. Nuk ishte i çmendur që të frenonte papritur pa bërë asgjë. Pjetri ishte i dashur në të gjithë botën,”- kishte deklaruar gjyshi i reperit disa ditë më parë .
Mad Clip, humbi jetën në aksident tragjik më 2 shtator, pasi u aksidentua teksa kthehej nga një dasmë ku kishte marrë pjesë.
