Në Japoni dhe shumë vende të tjera aziatike, është zakon të hiqni këpucët para se të hyni në shtëpi. Ka shumë papastërti, pluhur dhe baktere që i sillni në shtëpi me këpucët tuaja, dhe nuk është çudi që japonezët, një nga kombet më të shëndetshëm në botë, preferojnë t’i lënë ato te dera.
Por përveç mikrobeve dhe baktereve, ka edhe disa arsye të tjera për të mos i mbajtur këpucët në shtëpi, shkruan “Bright Side”.
- Mund të sillni baktere të këqija në shtëpinë tuaj.
Edhe nëse këpucët janë të reja dhe duken krejtësisht të pastra, ato tërheqin shumë mikrobe të dëmshme që përfundojnë në të gjitha sipërfaqet në të cilat ecni. Hulumtimet kanë treguar se rreth 40% e këpucëve mund të sjellin një bakter të quajtur Clostridium difficile në shtëpinë tuaj.
Ky bakter shkakton infeksione që janë rezistente ndaj shumicës së ilaçeve dhe mund të shkaktojnë diarre dhe inflamacion në stomakun tuaj. Gjithashtu mund të përhapet rreth shtëpisë dhe të jetojë në sipërfaqe të thata për një kohë të gjatë. Mund të jetë gjithashtu shumë e vështirë ta hiqni qafe.
- Mikrobet në këpucë mund të shkaktojnë acarim të lëkurës.
Një shëtitje në park është një mënyrë e shkëlqyeshme për të hequr stresin pas një dite të gjatë, por mos harroni të hiqni këpucët sapo të hyni në shtëpi. Pesticidet dhe kimikatet e dëmshme të përdorura në parqe dhe lëndina mund të ngelin në fund të këpucëve dhe të shkaktojnë komplikime të ndryshme shëndetësore, përfshirë acarimin e lëkurës dhe syve. Kjo është veçanërisht e rëndësishme nëse keni fëmijë të vegjël që kalojnë shumë kohë duke u zvarritur dhe duke luajtur në dysheme, pasi mikrobet do të përfundojnë në gojën e tyre.
- Këpucët mund të dëmtojnë këmbët tuaja.
Vetëm 28 deri në 37% e njerëzve veshin këpucë që u përshtaten vërtetë. Nëse keni ndjerë dhimbje ose ënjtje të këmbëve, ka shumë mundësi që këpucët të mos kenë madhësinë e duhur. Veshja e këpucëve që nuk përshtaten mund të irritojë lëkurën në gishtërinjtë tuaj, dhe të shkaktojë mavijosje.
- Do të kaloni më pak kohë duke pastruar.
Pluhuri nuk do të futet në shtëpinë tuaj dhe nuk do të keni nevojë të shpenzoni aq shumë kohë duke pastruar dyshemenë nëse nuk i mbani këpucët në shtëpi.
Këtu janë disa ide për të ndihmuar familjen tuaj të mësohet të heqë këpucët sapo të futet në shtëpi
Përcaktoni një zonë vetëm për këpucët. Mbani një raft këpucësh ose një shportë pranë hyrjes.
Vendosni një dyshek mikpritjeje. Në të mund të printoni një mesazh të thjeshtë si ‘Lërini këpucët jashtë’.
Mbani shapka pranë derës. Në këtë mënyrë, do të jetë më e lehtë për t’i gjetur ato.
Kërkojuni mysafirëve të heqin këpucët.
