Familja Basha pret ngushëllimet për humbjen e kryefamiljarit dhe njëkohësisht babait të kryedemokratit Lulzim Basha, Xhelal Basha.
Sot nga ora tek 10.00 tek Alba funeral pranë Medresesë, familja pret vizitat e ngushëllimit. Në njoftimin e shpërndarë bëhet me dije se Xhelal Basha do të prehet në në varrezat e Tufinës. Varrimi do të bëhet të martën në orën 11.00.
“Vizitat e ngushëllimit për babain tonë të ndjerë Xhelal Basha kane nisur sot në orën 10.00 tek Alba funeral pranë Medresesë. Varrimi do të bëhet të martën në orën 11.00 në varrezat e Tufinës,”- thuhet në njoftim.
Xhelal Basha humbi jetën dje, pas një lufte të gjatë me tumurin dhe muajve të tërë dergjeje në spital. Ai mbylli sytë në shtëpinë e tij në moshën 85-vjeçare.
