Ministrja e Shëndetësisë Ogerta Manastirliu ka shpërndarë një informacion në lidhje me vaksinimin kundër koronavirusit të fëmijëve.
Manastirliu ka treguar se cilët janë kategoritë e fëmijëve që duhet të vaksinohen ndaj Covid-19 dhe bën thirrje që prindërit të kontaktojnë me mjekun e familjes.
Sipas ministres, “ekipet mjekësore janë në shërbim çdo ditë të javës në qendrat shëndetësore dhe pikat e vaksinimit të përqëndruar”.
Informacioni
Kush duhet të vaksinohet?
-Fëmijët 12-15 vjeç me sëmundje kronike të përcaktuara
Të gjithë fëmijët 16-18 vjeç
Kur dhe ku?
Menjëherë në çdo qendër shëndetësore apo pikë vaksinimi
Si?
Me kartë identiteti. Fëmijët nën 18-vjeç paraqiten me prindin apo kujdestarin e tyre, i cili aprovon kryerjen e vaksinës.
Çfarë?
Për fëmijët deri në 18-vjeç, aplikohet vaksina Pfizer, sipas rekomandimeve të organizmave ndërkombëtare FDA dhe EMA
