Aeroporti i Atlantas në SHBA, Hartsfield-Jackson, është përfshirë nga paniku me qindra udhëtarë që janë tmerruar pasi arma që kishte një person është shkrepur pa dashje.
Si pasojë e të shtënave të armëve tre persona janë lënduar, ndërsa dhjetëra njerëz të tjerë nga frika janë shtrirë në tokë
Policia është vënë menjëherë në ndjekje të autorit dhe pas disa orësh e kanë arrestuar.
Autori Kenny Wells akuzohet për armëmbajtje pa leje si dhe akuza për plagosjen e disa personave padashje.
Ndërkohë dy orë më vonë, pasi u normalizua situata fluturimet rifilluan.
Hartsfield-Jackson është bërë aeroporti më i ngarkuar në botë në vitin 2021, sipas OAG, një ofrues i të dhënave analitike të aviacionit.
