– Një ngjarje e rëndë ka ndodhur ditën e sotme në Kosovë.
Bëhet me dije se një grua ka dëmtuar me thikë një tjetër grua në një qendër tregtare në Prishtinë.
Bëhet me dije nga burime zyrtare se Vdëmtuara ka marrë trajtimin e nevojshëm mjekësor, ndërsa e dyshuara është arrestuar.
Lajmi është konfirmuar nga Flora Ahmeti, zëdhënëse e policisë për Rajonin e Prishtinës.
“Sot rreth orës 15 :00, kemi marrë informatën se në një qendër tregtare në rrugën “B” në Prishtinë, një person është lënduar. Bazuar në të dhënat fillestare, në këtë rast nga një mjet i mprehtë është lënduar një person (femër). E njëjta është dërguar për trajtim mjekësor. Lidhur me këtë rast është arrestuar e dyshuara (femër). Aktualisht hetuesit policor kanë nisur një hetim lidhur me rrethanat e këtij rasti”, tha Ahmeti. Akoma nuk dihen motivet që çuan deri te ky incident./
