Kreu i PD-së Lulzim Basha ka shprehur mesazhin e tij të ngushëllimit për ndarjen nga jeta të komentatorit të njohur të sportit shqiptar, Vladimir Grillo.
Një lajm hidhërues e konsideron Basha ndarjen nga jeta të Grillos, duke u shprehur se ai do të mbahet mend gjatë si njeriu që përcolli me ngrohtësi dhe profesionalizëm ngjarjet kryesore të sportit për dekada.
MESAZHI
Ndarja nga jeta e komentatorit legjendar të sportit shqiptar Vladimir Grillos është lajm hidhërues. Zëri i fortë dhe imazhi i paqtë i Ladit, na kanë shoqëruar nga fëmijëria e hershme, duke na sjellë më pranë me sportin dhe sukseset e sportistëve tanë brenda dhe jashtë vendit. Ai do të mbahet mend gjatë si njeriu që përmes radios dhe tv na përcolli me ngrohtësi dhe profesionalizëm emocionet dhe ngjarjet kryesore të sportit shqiptar dhe botëror për dekada. U prehtë në paqe!
