Një i vdekur dhe 4 të plagosur është bilanci i të shtënave me armë që tronditën pasditen e sotme Tiranën, në këtë fillimviti. Ngjarja ka ndodhur në një lokal në zonën e “Don Boskos” në kryeqytet.
ABC ka publikuar pamjet kur janë nxjerrë nga lokali të plagosurit, ndërsa viktima ndodhej ende brenda në lokal.
Autorët kanë qëlluar nga jashtë drejt lokalit ku ishin personat e ulur në tavolinë.
Si pasojë një prej personave që ndodhej në tavolinë ka ndërruar jetë në vend, ndërsa 4 të tjerët janë dërguar në spitalin e Traumës.
Ngjarja ka shokuar banorët dhe klientët në lokal, të cilët kanë qenë dëshmitarë.
