Një 37-vjeçar ka mbetur i plagosur me armë zjarri mbrëmjen e sotme në Vlorë dhe ka shkuar në spital për ndihmë mjekësore. Gazetarja Dorjana Bezat raportoi për “BalkanWeb” se i plagosur ka mbetur shtetasi Djego Hanaj dhe se ngjarja ka ndodhur në lagjen “Pavarësia”, para pallatit ku banon 37-vjeçari.
Hanaj i cili dyshohet se është plagosur në dorë me armë zjarri ndodhet jashtë rrezikut për jetën në Spitalin e Vlorës. Shërbimet e Policisë po krehin zonën për të bërë të mundur kapjen e autorit. Ndërkohë grupi hetimor ndodhet në vendngjarje dhe po punon për sqarimin e rrethanave.
