Nga Zef Ndreka
Vërehet lehtë polarizimi brënda familjes demokrate , të ndarë në pro Berishës dhe në pro Bashës .
Më të vërtetë askush nuk e ka monopolin në lidhje me mbështetjen shumicë apo pakicë siç etiketojnë palët njëra-tjetrën .
Kjo garë deklaratash e pa kuptimtë dhe shumë dashakeqe vetëm përçanë më tej PD-në , dhe në rastin më të keq të ndarjes së partisë , asnjëra palë nuk bëhet fituese .
Këtë e dijnë mirë edhe Berisha , edhe Basha . Atëhere përse vazhdon ënde kjo betejë ?!
Kush përfiton nga kjo luftë kur nga pala Berisha nuk ka asnjë të ardhme ?! Kaq shumë i duhet partia këtij të dorëhequri 9 vite më parë ?!
Sigurisht , i treti , Rama është përfituesi momental dhe duket se po tall mënderen ! Por , në fakt ai po përgatitet të futet në hallin amerikan për gjithë korrupsionin galopant të qeverive të tij …
Për t’u sqaruar , e mendoj se trekëndeshi i famshëm tashmë në një formë apo tjetër po bashkon forcat në një të vetme kundër Bashës .
Sa më shumë të shtrëngohet trekëndeshi , më shumë mbështetje merr Basha nga amerikanët !
Atij i duhet fort ta mbajë Partinë sa më të bashkuar .
Por , kohët e fundit , një teori e re ka filluar të zënë vënd në fjalorin e disa “demokrateve” :
Nuk jam anti-amerikan por nuk i besojmë Amerikës !
Edhe pse janë pak përsona , përsëri përbën një shqetësim sado të vogël.
Në përgjithësi vërehet se ky kontigjent është mbështetës i Berishës dhe komentojnë e nuk debatojnë me kulturë , pa sharje , pa ofenduar , pa britma deri në ngërdheshje…
Flasin në numrin shumës , flasin në emër të zërit të masave !
Me një pjesë tyre edhe kemi debatuar miqësisht !
Jemi munduar të sqarohemi larg ekstremizmave .
Por …
Nuk është koha as ti edukojme dhe as ti mundim .
Përse ndodh kjo ?!
Pasi na u shpall non grata Berisha me familjen e tij për korrupsion në Shqipëri “plasi” politika amatore…
Në fakt , ishte e nevojshme sepse kjo ngjarje ka bërë që të dalë në pah formimi i shumë njerëzve . Kam parasysh miq shumë të afërt , por edhe shumë të tjerë që thjeshtë i kisha miq në fcb .
Ka kaq shumë enveristë e bolshevikë në formim që i ka mbajtur të konservuar mendësia berishiste e revolucionit , e rrenave , e pandehmave , e shpifjeve , e etiketimeve , të folmës prokuroriale komuniste ala Aranit Çela , tabllo sinoptike prej deliranti ala Hoxha .
Njerëzit dolën nga komunizmi dhe janë përpjekur të ndryshojnë jetën në këto dekada .
Në shumicë rinia ka marrë tjetër formim .
Vetëm berishizmi ka mbetur vëndnumëro !
Çdo të thotë kjo ?!
Sepse ne nuk u orientuam masivisht drejt , pas fitorës peblishitare në vitin 1992 !
Amerika ishte dhe mbetët miku ynë i madh !
Nuk e gjykojmë dot ne Amerikën për vendimet që merr vetë . Ne duhet vetëm ta dëgjojmë se rrugë tjetër për ta shpëtuar këtë vënd nuk ka !
