Teksa sot para selisë së Partisë Demokratike do të mbahet një protestë e thirrur nga ish-kryeministri Sali Berisha, kryedemokrati Lulzim Basha ka shkuar në zyrën e tij. Lajmi konfirmohet për BalkanWeb nga gazetari Osman Stafa.
Basha, e ka nisur punën herët këtë ditë, ndërkohë që dje paralajmëroi se do të ishte në zyrën e tij kur të mbahej protesta.
Dita e sotme, do të jetë me angazhime për kryetarin Basha, i cili ka thirrur një mbledhje të Kolegjit të Kryetarëve të Partisë Demokratike për të diskutuar mbi kalendarin dhe masat për organizimin e partisë. Ndërkohë në seli është njoftuar një protestë në orën 12:00 të thirrur nga ish-kryeministri Berisha.
