Me flamujt e Turqisë në duar, dhjetra të rinj janë mbledhur mëngjesin e të hënës në hyrje të aeroportit të Rinasit, për të pritur Presidentin turk Recep Tayyip Erdogan.
Presidenti Erdogan pritet të mbërrijë në Shqipëri në orën 09:25 të mëngjesit. Në aeroportin e Rinasit ai do të pritet nga kryeminstri Edi Rama.
Forcat të shuma policie janë vendosur në aeroport për ruajtjen e sigurisë së personalitetit të lartë turk.
Masat e sigurisë
Nga Ankaraja kanë mbërritur dje në Rinas efektivë të Gardës turke, por edhe të shërbimeve sekrete dhe ushtarake nga ky vend.
Ndërkohë, Laçi është bërë gati për të pritur Presidentin turk, Recep Tayyip Erdogan, i cili do të jetë i pranishëm në këtë qytet ditën e hënë.
Hyrja e qytetit dhe një pjesë e rrugëve janë veshur me flamuj shqiptarë e turq, ndërsa për sigurinë e kësaj vizite, Policia është vënë në gatishmëri që prej ditës së diel. Presidenti turk, së bashku me autoritetet qeveritare, do të inaugurojnë lagjen e re në Laç, të rindërtuar pas tërmetit, me financim të qeverisë turke.
Qytetarët e vlerësojnë maksimalisht punën e mirë që është bërë dhe kanë shpresë që vizita e Erdoganit në Laç do ta inkurajojë për të realizuar investime të tjera në zonën e Kurbinit.
Axhenda
09:25 – Ceremonia e pritjes, aeroporti “Nënë Tereza”
10:05 – Vizita e Presidentit të Republikës së Turqisë në një prej shtëpive të rindërtuara pas tërmetit të 26 nëntorit në Laç
10:20 – Ceremonia e dorëzimit të shtëpive të ndërtuara pas tërmetit në Laç Ceremonia e emërtimit të sheshit në Laç me emrin e Presidentit të Republikës së Turqisë
13:00 – Takim midis Presidentit të Turqisë, Recep Tayyip Erdoðan dhe Kryeministrit të Shqipërisë, Edi Rama
15:00 – Nënshkrimi i marrëveshjeve dhe konferenca e përbashkët për shtyp (vendi: Holli i COD)
16:00 – Ceremonia e inaugurimit të xhamisë së Et’hem Beut
17:00 – Përshëndetja e Presidentit të Republikës së Turqisë në Kuvendin e Shqipërisë
18:00 – Nisja drejt aeroportit të Rinasit
