“Denis Duka na e copëtoi zemrën, pa fjalë për këtë humbje. Një mik zemre për këdo që e njohu, shpirt i bardhë, mendje brilante. Ngushëllime familjes, kurajo dhe forcë”. Këto janë mesazhet e para të miqve të Denis Dukës, djalit të poetit të njohur Arben Duka, i cili u ndaj jeta në moshën 35-vjeçare.
Ndër një tjetër në rrjetet sociale shkruan se i riu paska pasur fatin e të atit, pasi si ai dhe poeti i njohur vdiqën nga një atak kardiak dy muaj me pare. Më tej këtë ngushëllim e shoqëron me një poezi që i biri Denis i kishte kushtuar babait, disa javë pas vdekjes së babait.
“Pa fjalë…Ngushëllime. Një ndër poezitë e Denisit pas vdekjes se te atit. Paska pasur fatin e te atit por me keq ne moshe te re, qoft i xhenetit”, shkruan një ndër të njohurit e saj.
Më poshë poezia e Denisit kushtuar babait
Ike Baba
Ike baba në të tjera hapësira,
U ngjite atje, ku shkojnë shpirtat e mira.
E ne na le me këtë kaplim te zi,
Sa e veshtirë qenka të jetosh pa ty!
Si Adami i parë, për mua tokën lëkunde,
Si nje vetëtimë verbuese qiellin e shkunde,
E prape sot te mendoj në të ëmbla kujtime,
Si harta udhërrëfyese, të skalitura në zemren time.
Degjoj një këngë, dhe më shfaqesh ti,
Lexoj një varg, atje je prapë ti,
Te shoh ne fotografi, sikur më afrohesh.
Se në shpirtin tonë kurrë sdo harrohesh.
Se për ty s’ka lamtumira dhe fjalë fluturake,
Por vec balada dhe vepra pasionante,
Që me ëndje sot i lexoj e jetoj,
Pasi thelbin tim akoma të sëmurë, dua ta shërojë,
U prehsh ne paqe i dashur Baba,
Nëpër diapazone ku dhimbja formë më nuk ka,
Të jesh i lumtur kudo që të jesh,
Atje ku hidherimi dhe mërzitja s”ka më peshë.
U rilindish prapë si feniks i pasionit,
Nëpër brigje deti nën erën e Jonit,
Por këtë herë pa dallga dhe stuhi,
Trajta jote e pastër u formofsh ne qetesi.
