Kandidatja e PS-së për bashkinë e Durrësit Emirjana Sako, duket se ka mbështetjen e ish-kryebashkiakut Vangjush Dako.
Edhe pse është “non grata” nga SHBA, Vangjush Dako është përfshirë në fushatën e socialistëve, duke zhvilluar takime në njësinë administrative nr. 6.
Në këto foto të siguruara nga “Panorama” Dako shfaqet në mesin e disa mbështetësve të PS.
Kujtojmë se Dako zgjodhi që të mos kandidonte për kryetar bashkie në zgjedhjet e 2019-ës, ku PS, thuajse nuk kishte asnjë parti tjetër politike përballë.
Kryemininistri Rama e justifikoi moskandidimin e Dakos si një zgjedhje personale të ish-kryebashkiakut.
Kujtojmë që përpos Dakos, “non grata” janë shpallur edhe Sali Berisha dhe Tom Doshi, ndërsa SHBA ka theksuar se lufta kundër korrupsionit është prioritet i Uashingtonit.
