Deputetja e Kuvendit të Kosovës, Duda Balje, është komentuar herë pas here për jetën private, por edhe për format e saj trupore. Së fundmi, ajo ka zbuluar disa detaje të pathëna më parë.
E ftuar në emisionin “Oxygen”, Balje tregoi se kur ka lindur fëmijën e parë, mjekët e pyetën nëse e dinte se kush ishte babai i bebit.
Duda, e cila është nënë e tre fëmijëve rrëfeu se djalin e madh, Berinin, e solli në jetë kur ishte vetëm 17 vjeçe. Ajo tha se doktori e kishte pyetur nëse dihet babai i fëmijës së saj, pasi kishte parë moshën e saj shumë të re.
“Në spital, kam qenë unë dhe një vajzë rome edhe doktori kur ka hyrë në dhomë edhe ka shikuar nga unë duke thënë: ‘A e din ti kush është babai i fëmijës’, a ne si familje tipike nga Kosova, kanë qenë poshtë vjehrra, vjehrri, nëna, tezja – të gjithë kanë pritur para spitalit dhe unë i kam thënë doktorit: ‘Shiko jashtë ku është familja e bebes”, ka treguar Balje.
