Në Drejt nga Luan Rama në RTV Ora, Flamur Hoxha Deputet i PD-së u shpreh se që secili duhet të bëjë një hap pas për bashkimin e PD-së larg interesave personale.
Ai tha se ka qenë kundër zgjedhjeve që janë bërë në parti prej 30 vitesh dhe se do një parti ndryshe nga ajo që është sot apo ajo që ishte në 25 prill.
Hoxha: Unë jam pak radikal në aspektin e zgjidhjes sepse dua një zgjidhje afatgjatë. Pikërisht për këtë do të kërkoja një hap pas nga secili prej nesh për të bashkuar demokratët larg interesave personale. Nëse nisemi me kushte ne nuk do të bashkohemi dot.
Të marrim përgjegjësinë për atë që do të jetë e ardhmja e PD-së. Unë do të doja një parti ndryshe nga kjo që është sot dhe ajo që ishte në 25 prill. Kam qenë kundër zgjedhjeve që janë bërë në PD në 30 vite në raport me moralin dhe vlerave. Ne kemi shumë njerëz me vlera dhe kontributet që nuk afrohen në PD.
