Një lajm i trishtë u raportuar ditën e sotme. Ish-trajneri i Korabit dhe Shkëndijës së Tetovës, Bexhet Shehu u nda nga jeta.
Ka qenë gazetari sportive, Dëfrim Methasani, që nëpërmjet një postimi në faqen e tij zyrtare, ka bërë publik lajmin duke shprehur ngushëllimet për profesor Shehun, i cili la gjurmë në qytetin e Peshkopisë dhe në të gjithë qarkun e Dibrës.
I ndjeri Shehu, drejtoi Korabin për më shumë se 20 vite, duke arritur rezultate të larta.
Gjithashtu, ai ka kontribuar edhe te Shkëndija e Tetovës, në të cilën e mori nga kampionati inferior dhe e bëri pjesë të elitës së futbollit maqedonas.
Ndërsa e bija e të ndjerit shkruan në rrjetet sociale: Babi im i shtrejnte! Shpirti i yt i mrekullushëm iku në paqe. U bashkove me mamin se nuk rrije dot pa te . Ti ishe dashuria ime e madhe, udherrefyesi im, mësuesi im, shoku im më i mirë! Të dua shumë babi,me të gjithë forcën e dashurisë që ndonjëherë ka ndier njeriu për njeriun! Ishe nje baba,gjysh, stergjysh, bashkeshort dhe mik shume i denje. Të dua përgjithmonë! Do me mungoni te dy gjithe jeten
