Ka nisur me debate mbledhja e grupit parlamentar të PD. Gazetari Osman Stafa, raporton për “BalkanWeb” se kreu i grupit, Enkelejd Alibeaj ka nisur fjalën e tij në mbledhje, ku ndërkohë në sallë është paraqitur Sali Berisha.
Ndërkohë, Berisha i është përgjigjur se duhet të pranojnë realitetin: E ke gabim. Më pas Berisha ka nisur të shpjegojë procedurën se pse është i parregullt vendimi për shkarkimin e tij.
Alibeaj: Nuk je pjesë e grupit, sepse je i përjashtuar më 9 shtator. Prezenca juaj në këtë sallë është një sinjal i brishtë për demokracinë e brendshme në parti. Z.Berisha me prezencën tuaj ju po zhvlerësoni vendimet e organeve të kësaj partie. Ju jeni i përjashtuar nga grupi parlamentar dhe çdo forum.
Berisha: E ke gabim. Z.Alibeaj më vjen keq për këtë qëndrim, pasi jua kam thënë edhe pak ditë më parë dhe po jua përsëris, unë ju respektoj si kryetar grupi, por çdo organ vendimarrës në këtë parti ka qenë ilegjitime pas 11 dhjetorit. I vetmi organ që merr vendime është Komisioni i Rithemelimit.
Mbledhja ka nisur në orën 09:00 e njoftuar nga Enkelejd Alibeaj një ditë më parë. Ish-kryeministri Sali Berisha nuk ishte ftuar me pretendimin se nuk është më pjesë e grupit parlamentar.
Por në një prononcim për mediat ditën e djeshme, Berisha deklaroi se do të ishte prezent gjatë mbledhjes së grupit.
Ky është takimi i parë i grupit parlamentar me Komisionin e Rithemelimit pas vendimit të Gjykatës që njohu ndryshimet statutore të Kuvendit të 11 dhjetorit.
Në mbledhje
Luan Baçi
Edmond Spaho
Tritan Shehu
Flamur Noka
Bledian Nallbani
Selaudin Jakupllari
Kasteiot Piroli
Belind Këlliçi
Sorina Koti
Ervin Salianji
Dhurata Çupi
Arbi Agalliu
Luciano Boçi
Edi Paloka
Isuf Çela
Dashnor Sula
Gerta Bardeli
Xhelal Mziu
Enkelejd Alibeaj
Flamur Hoxha
Agron Shehaj
Lefter Geshtenja
Tomor Alizoti
Helidon Bushati
Gazment Bardhi
Zef Hila
Ramadal Lika
Albana Vokshi
Eralda Tase
Oerdi Bylykbashi
Bujar Leskaj
Andi Ulliri
Lindita Metaliaj
Sali Berisha
Saimir Korreshi
Ina Zhupa
Emilja Koliqi
Elda Hoti
Jorida Tabaku
Merita Bakiu
Fatjon Veizaj
Kasem Mahmutaj
Mungojnë
Agron Gjekmarkaj
Alfred Rushaj
Ferdinand Xhaferri
Flutura Açka
Grida Duma
Kreshnik Collaku
Lulzim Basha
Orjola Pampuri
Zheni Gjergji
Ilda Dhori
Sakaq, kujtojmë se pas dorëheqjes së Bashës nga posti i kryetarit, drejtimin e PD e mori Alibeaj, ndërkohë që pak ditë më vonë Gjykata Civile e Tiranës njohu zyrtarisht statutin e Kuvendit të 11 dhjetorit, të thirrur nga ish-kryeministri Sali Berisha.
Me njohjen e këtij statuti, u njoh edhe grupi i Rithemelimit të PD-së si dhe vendimet për shkarkimin e drejtuesve demokratë. Pas këtij vendimi, Grupi i Rithemelimit shkoi në selinë e PD, ku kërkoi që të uleshin për bisedime me drejtuesit demokratë, në qëllim të bashkimit të demokratëve.
