Ish-kryeministri Sali Berisha deklaroi këtë të premete se asnjë person nuk do të përjshtohet nga Partia Demokratike, përfshirë këtu dhe ata që hodhën gaz më 8 janar.
Përmes një interviste të dhënë për emisionin Zonë e Lirë, Berisha bëri thirrje për bashkimin e PD-së dhe tha se dora e Komisionit të Rithemelimit do të qëndroj e shtrirë edhe për ata që mendojnë ndryshe.
“Asnjeri nuk përjashtohet. Edhe ata që hodhën gaz. Ka një elektorat gri i cili do të joshet me një frymë krejtësisht tjetër. Nuk do jetë më parti e kryetarit por do të jetë parti e ligjit. Kryetari nuk mund të qëndroj mbi parti por nën statutin e partisë. Nuk do të ndodhë asnjë fshesë, unë jam këtu që t’i bëj thirrje të gjithë atyre që mbështetën Sali Berishën të shtrijmë dorën dhe të bashkohemni me ata që u ndamë”, tha Berisha.
