Vendi ynë vijon të jetë në ndikimin e vlerave të larta barike, të cilat do të sjellin deri në orët e mesditës dhe të pasdites mbizotërim të kthjellimeve dhe kalime të lehta vranësirash.
Sipas MeteoAlb, në orët në vijim parashikohet që në territorin shqiptar vranësirat të shtohen gradualisht, duke bërë që gjatë mbrëmjes dhe natës të jemi në dominimin e vranësirave të shumta.
Temperaturat e ajrit do të vijojnë të rriten në mëngjes dhe në mesditë, duke luhatur vlerat ditore nga 4 gradë Celsius deri në 21 gradë Celsius
Era do të fryjë e lehtë në tokë dhe mesatare me shpejtësi 35 km/h nga drejtimi verior-veriperëndimor duke krijuar në brigjet detare dallgëzim 2 ballë.
