Anne Spiegel dha dorëheqjen nga posti i ministres, pas zbulimit se verën e kaluar kur ishte ministre e Mjedisit kishte shkuar me pushime, ndërkohë që vendi po përballej me përmbytje të cilat shkaktuan edhe vdekje.
Në atë kohë, Spiegel thoshte se punonte nga shtëpia, ose e thënë ndryshe “bënte telepunë”
Sipas mediave të huaja, ajo është bërë ministrja e parë që u largua nga qeveria e koalicionit.
Zonja Spiegel kishte shkuar me familjen e saj në jug të Francës, ku qëndroi për katër javë, ndërsa i ndërpreu pushimet e saj për vetëm një ditë për të qenë pak orë në Mainz për punë.
Mbrëmjen e së dielës, ajo u përpoq të justifikonte zgjedhjen e saj “të gabuar” , siç e quajti ajo më pas, pasi në vitin 2019 bashkëshorti i saj pësoi goditje në tru, ndërsa 4 fëmijët e saj u sëmurën rëndë gjatë pandemisë së Covid-19.
