Dy persona janë arrestuar në zonën e Shëngjinit pasi kanë kërcënuar me armë zjarri një ish-efektiv të policisë.
Ngjarja ka ndodhur mëngjesin e kësaj të mërkure ky dy shtetasit me iniciale E.M. dhe E.S. u futën në një lokal ku qëndronte ish-efektivi i policisë, shtetasi Gj.N.
Raportohet se pasi janë konfliktuar me ish-policin, dy personat e arrestuar e kanë kërcënuar me armë.
Mësohet se konflikti mes tyre ka ndodhur për një vend parkimi për makinën.
Në cilësinë e provës materiale, policia ka sekuestruar armën e zjarrit tip pistoletë.
