Policia ka dhënë detaje lidhur me ngjarjen e rëndë që ndodhi rreth orës 13:25 minuta të ditës së sotme në Tiranë.
Gazetarja e Abc, Xhensila Kodra informon se një makinë Benz me targa të huaja ka aksidentuar një çift dhe fëmijën e tyre të mitur në vijat e bardha në afërsi të kompleksit “Deliorgji’ te Rruga Kavajës.
Policia bën me dije se “një mjet me drejtues ende të paidentifikuar, ka përplasur shtetasit V. K., 43 vjeçe, A. K., 48 vjeç dhe fëmijën e tyre të mitur 3 muajsh.”
Lexo edhe: Makina me targa të huaja përplas nënën dhe fëmijën te vijat e bardha në Tiranë, shoferi arratiset
Të tre janë dërguar në spital dhe ndodhen nën kujdesin e mjekëve.
Drejtues i mjetit ka braktisur mjetin dhe është larguar nga vendi ngjarjes.
Grupi hetimor po punon për kapjen e autorit dhe sqarimin e rrethanave të ngjarjes./
