Presidenti i Republikës, Ilir Meta ka përsëritur atë që edhe më herët e ka deklaruar se në 25 korrik do të dalë në opozitë.
Kreu i Shtetit u shpreh se do të jetë opozitë e vërtetë e kësaj qeverie për të mbrojtur interesat e shqiptarëve. Sipas tij, nga posti i Presidentit duhet të ishte larguar më parë, por nuk ia lejoi betimi kushtetues.
Ai u shpreh se detyrën e Presidentit nuk e mori për të përfituar, por për të zgjidhur çështjen e çadrës të vitit 2017 dhe për të mundësuar hyrjen e opozitës në zgjedhje.
“Kam vendosur qe me 25 korrik te dal ne opozite dhe te jem ne krah te qytetareve. Nuk kam vendosur, as te shkoj me qeverinë dhe as te bej kompromis me te, jo. Do te jem ne opozite te vërtete kundër kësaj qeverie, për te mbrojtur vetëm interesin publik.
Në 24 korrik 2022 do të iki nga Presidenca. Duhet të kisha ikur më herët, po betimi Kushtetuese nuk ma lejoi. Rizgjedhja ime si President? Për mua është çështje e përfunduar. Këtë post nuk e mora për të përfituar, por për të zgjidhur çështjen e çadrës të vitit 2017 dhe mundësuar hyrjen e opozitës në zgjedhje.
Presidenti Meta: Unë në çdo kohë kam bërë zgjedhjen më të mirë të mundshme duke parë në radhe të parë interesin e shqiptarëve.
Këto i kam treguar me qëndrimet e mia
1) Për marrëveshjen e 17 majit.
2) Për djegien e mandateve
3) Për bojkotin që Lulzim Basha, i bëri Reformës në Drejtësi dhe të gjitha këtë qëndrime unë i kam bërë publike”, tha Meta në emisionin “Të Paekspozuarit”.
