Platforma e medieve sociale e ish-presidentit amerikan Donald Trump është ndaluar të jetë e aksesueshme në Google Play.
Google thotë se platforma shkel politikat e saj për ndalimin e përmbajtjeve me nxitje të dhunës dhe kërcënimeve fizike.
Vendimi e bën të pamundur për përdoruesit me telefona Android të shkarkojnë aplikacionin.
Devin Nunes, CEO i Truth Social, e ka quajtur Google më parë një “monopol”.
Truth Social u laçua në App Store të Apple në muajin shkurt, megjithëse u shoqërua nga probleme të shumta.
Një zëdhënës i Google tha për BBC: “Më 19 gusht ne njoftuam Truth Social për disa shkelje të politikave standarde.
“Pasja e sistemeve efektive për moderimin e përmbajtjes së krijuar nga përdoruesit është një kusht i shërbimit tonë që çdo aplikacion të shfaqet drejtpërdrejt në Google Play,” shtuan ata.
Google thotë se ka ofruar këshilla ndaj Truth Social se si të rregullohen problemet.
