Qendrat e votimit u mbyllën në orën 23, teksa kanë mbërritur edhe reagimet e para nga partitë për rezultatet e zgjedhjeve politike. Në qendrën e djathtë, që sipas parashikimeve të para duhet të ketë shumicën e vendeve në Dhomë dhe Senat, protagonisti i parë që komenton është kreu i Lega, Matteo Salvini.
Salvini: “Qendra e djathtë në avantazh të qartë, faleminderit”
“Qendra e djathtë është në avantazh të qartë si në Dhomë ashtu edhe në Senat. Do të jetë një natë e gjatë, por tashmë dua të them: faleminderit”. Kështu sekretari i Ligës së Veriut, Matteo Salvini , në Twitter
Le Pen: “Italia i jep një mësim BE-së
“Italianët i kanë dhënë një leksion përulësie Bashkimit Evropian, i cili, me zërin e zonjës Von Der Leyen, ka pretenduar të imponojë një votë. Asnjë kërcënim i asnjë lloji nuk mund ta ndalë demokracinë: popujt evropianë ngrenë kokën dhe kapin për fatin e tyre!”, shkruan në twitter Jordan Bardella, eurodeputeti i Partisë Kombëtare dhe kandidati për president i Marine Le Pen.
Forza Italia, Tajani: “Përcaktues për fitoren dhe formimin e qeverisë”
“Forza Italia është vendimtare për fitoren e qendrës së djathtë dhe do të jetë vendimtare për formimin e qeverisë së re. Me numra dhe përmbajtje”. Kështu shkruan në rrjetet sociale , Antonio Tajani, koordinator kombëtar i Forza Italia.
