Ka zgjatur rreth një orë e gjysmë takimi i zhvilluar në kryesinë e Kuvendit mes përfaqësuesve të Partisë Demokratike dhe ambasadorëve të vendeve të shteteve partnere në vendin tonë
Në takim ishin të pranishëm ambasadorë të vendeve të SHBA, BE, OSBE, Itali, Gjermani, Francë, Zvicë dhe Britani e Madhe
Ndërkohë nga ana tjetër në radhët e PD, në takim kanë marrë pjesë deputetët Enkelejd Alibeaj. Jorida Tabaku, Dhurata Çupi, Agron Gjekmarkaj, Grida Duma, Ferdinant Xhaferri dhe Gazment Bardhi.
Në fokus të diskutimeve ka qenë reforma territoriale. Sot disa deputetë të PD dorëzuan në Kuvend një projektligj me propozimin e tyre për 94 bashki nga 61 që janë aktualisht.
