Nga Zef Ndreka
Situata politike , veçanërisht brënda kampit të demokratëve nuk ka gjasa të ketë ndryshime . Gjithçka , ditët e fundit flitet e deklarohet , kinse për bashkëpunim apo bashkim të demokratëve , bëhet vetëm për të polarizuar më tej demokratët , për ti mbajtur të përçarë , të karikuar , e për ti përdorur foltoristët sa herë ju duhen për nevoja përsonale e familjare .
Asgjë të re nuk ka ndodhur as ka për të ndodhur , pavarësisht lojës së “zgjatjes së duarve” që është jo vetëm një mashtrim i radhës i elektrolatit , por së pari një ofendim për PD-në e dhunuar e të përdhunuar në sytë e gjithë botës .
Kaq i ka paralizuar dhe hipnotizuar Berisha një grup deputetësh dhe të foltoristëve qe e ndjekin pas , sa ” i rreh e nuk i len me kja ” !
Ndërkohë , me gjithë përpjekjet , përkrahjet dhe bashkëpunimin e hapur me SHBA-të dhe Europën , politika e PD-së zyrtare është mbështjellë nga mungesa e paradigmës politike , për të përcaktuar modelin apo rrugën që duhet ndjekur në këtë situatë të rënduar politike , e cila është diktuar nga futja në ngatërresë e ego-s së Berishës por edhe nga paqartësia e elektoratit për tu pozicionuar qartë .
Demokratët në përgjithësi , qëndrestarët dhe elektorati gri , duhet të sqarohen , iu duhen para-treguar mendimet dhe duhet të zgjidhen modelet e veprimeve konkrete .
Është detyrë e Bashës , e Bardhit , e Alibeajt dhe Tabakut , e gjithë grupit parlamentarë të PD-së të mos heshtin , por të lëvizin të gjithë bashkë , të paktën sa lëviz Berisha i vetëm .
Të takojnë demokratët që jo vetёm ndihen të vetmuar , por edhe të pa qartë për çfarë po ndodh , pikërisht për shkak të mos prononcimeve të lidershipit aktual të PD-së . Kjo ka sjell një përshtjellim akoma më të madh në mes demokratësh dhe rritje të aksioneve të Berishës nga heshtja e gjatë .
Është e pa kuptimtë pritja e gjetjet së gjuhës së përbashkët të bashkimit apo bashkëpunimit me non grata-t .
Përpjekje le të bëhen , por të veprohet siç po vepron pala tjetër . Foltorja ka caktuar kandidatët , ka filluar fushatën . Berishën e shikojmë aktiv në çdo cep të vendit . Të krijohet përshtypja se i është lënë enkas fusha e lirë e veprimit …
Nuk është aspak justifikim , pritja e vëndimit të gjykatës se kujt pale do t’i japë të drejtë .
As pritja se si do shkojë takimi Bardhi-Paloka .
Për mendimin tim , është gabimi i radhës i PD-së zyrtare ideja për tu ulur me Foltorën , me dhunuesit , duke i legjitimuar dhe njohur ata si faktor politik…
Edhe sa do të presin demokratët të ecin përpara në bashkëpunim me elektoratin gri ?!
Pse kjo pasiguri për të gjetur mundësi e rrugë të reja per demokratët ?!
