Kujtim Gjuzi, kryetari i Partisë Konservatore, i ftuar sot në “Shqipëria Live”, ndërsa ka folur për zgjedhjet lokale është kthyer pas në vitin 2000.
Ai ka rrëfyer një histori ku personazhe ishin Sali Berisha, Bamir Topi, Mentor Petrela, Spartak Ngjela dhe Besnik Mustafaj.
“Kjo ka një histori të gjatë. Në vitin 2000 nuk po përballonim dot një primare të fshehur. Bamir Topi, Mentor Petrela, avokat Ngjela dhe Besnik Mustafaj. Unë u vesha, mora çantën ku kisha shumë gjëra konfidenciale dhe shkova te Sali Berisha.
Unë jam në krye të Partisë Konservatore. Si çdo parti zgjedh alternativat e veta. Këta të 5-të i them Berishës, që kanë një problem. Këta janë akademikë, jo se nuk i duan njerëzit, por në Tiranë duan grintë, po nuk pamë pak bardhë e blu ne në Tiranë s’ka.
I thashë Berishës, unë jam i gatshëm të sakrifikoj dhe të mos e lë Ramën të dalë të bëjë fushatë. Më pyeti po pse ça do t’i bësh, po i thashë që unë di ca gjëra për të që ta ndaloj. Në atë moment më tha: jo, ti do jesh në zyrën e këshillit bashkiak. Aty u acarova shumë. Po të isha kandidat përballë Ramës, ai nuk do ishte fare. Se do humbte zgjedhjet dhe do mbaronte punë,” tha Gjuzi.
