Giorgia Meloni, ka marrë zyrtarisht pushtetin.
Dorëzimi i detyrës u bë me simbolikën e kalimit të ziles nga ish-kryeministri Mario Draghi
Ky ishte edhe momenti që liderja e Fratelli D’Italia mori zyrtarisht detyrën në Palazzo Chigi.
“A mund ta dëgjoni?” pyet Giorgia Meloni ndërsa e emocionuar dhe e buzëqeshur tund zilen e sapo marrë nga duart e Mario Draghit duke zyrtarizuar kështu dorëzimin.
Nga ana tjetër Mario Draghi u largua pas një ore takim mes duartrokitjeve të shumta të atyre me të cilët kishte ndarë zyrat e punës deri më sot.
Kujtojmë se qeveria e Melonit do të përbëhet nga 24 ministra, vetëm gjashtë gra, ku së bashku me kryeministren bëhen 7 gra, numri më i vogël i përfaqësimit të grave në ekzekutiv gjatë viteve të fundit.
Mbrëmjen e djeshme, Giorgia Meloni dhe ministrat e qeverisë së re u betuan në Quirinale përpara kreut të shtetit, Sergio Mattarella duke nisur kështu punën si ekzekutivi i parë italian i kryesuar nga një grua.
“Këtu është ekipi qeveritar që me krenari dhe ndjenjë përgjegjësie do t’i shërbejë Italisë. Tani menjëherë në punë”, shkroi pak çaste më vonë kryeministrja në Twitter.
